BINI KE EMPAT

BINI KE EMPAT
(Puisi Betawi)

eneng cantik kembang kampung
sombongnya ampe di atas kuncer
lewat angkuh depan rumah
ditegor dia ngeludah

gue inget pesen engkong
ambil daon ama ludahnya
cepet-cepet baca mantra
pake wudhu sebelonnya

" bismilahhiromanirohim
gue ngalor elo ngalor
gue ngidul elo ngidul
gue ngulon elo ngulon
gue ke wetan elo ke wetan

dung-dung pret dung-dung pret
gue pergi dia keseret
dung-dung pret dung-dung pret
gue mingser dia mepet
puah! besok lu dateng ke rumah gue!!!"

emang manjur mantra si engkong
malem ke dua dia dateng
mata bengul abis nangsis
kaga kuat nahan kangen

gue jadi belingsatan
lantaran udeh punya bini tiga
inget lagi pesen engkong

" bini satu kaga sanggup ngempanin
bini dua makin miskin
bini tiga kelaparan
masa, punya bini empat kaga kuat ngempanin elo satu!!!"

gue jadi cengengesan
pesen engkong bikin deg-degan

kapitan 050313