POCONG
Juki udah nyiapin anglo, stanggi, areng batok kelape, tak ketinggalan kain kafan buat jadi pocongnye. Tekadnye udeh bulet buat bikin si Puah mpoknye kapok pacaran di teras rumah kosong almarhum Engkongnye. Sejak Engkongnye wafat due bulan nyang udeh. Rumeh itu kalo malem Minggu sering di pake pacaran si Marpuah ame pacarnye. Walau cume di teras, tapi kalo malem di situ cukup gelap. Juki selempang kalo ntar si Puah pacarannye kelantasan. Udeh banyak kejadiannye, kalo pacaran pake acare buke kolor segale, ujung-ujungnye pade bunting duluan. Juki ngak mau kelurgenye malu, kalo sampe hal ntu terjadi ame si Puah. Emang sih bentar lagi Marpuah mau nikeh, tapi ape salehnye mereka ntu saling menjage.
Juki udah nyiapin anglo, stanggi, areng batok kelape, tak ketinggalan kain kafan buat jadi pocongnye. Tekadnye udeh bulet buat bikin si Puah mpoknye kapok pacaran di teras rumah kosong almarhum Engkongnye. Sejak Engkongnye wafat due bulan nyang udeh. Rumeh itu kalo malem Minggu sering di pake pacaran si Marpuah ame pacarnye. Walau cume di teras, tapi kalo malem di situ cukup gelap. Juki selempang kalo ntar si Puah pacarannye kelantasan. Udeh banyak kejadiannye, kalo pacaran pake acare buke kolor segale, ujung-ujungnye pade bunting duluan. Juki ngak mau kelurgenye malu, kalo sampe hal ntu terjadi ame si Puah. Emang sih bentar lagi Marpuah mau nikeh, tapi ape salehnye mereka ntu saling menjage.
Rumeh
Engkong emang kosong sejak Engkong meninggal. Tuh rumah adenye persis di depan
rumeh Juki, cume di pisahin gang MHT. Jadi kalo lagi malem Minggu, pas cowoknye
dateng ngelancong, si Puah bukannye pacaran di teras rumehnye, tapi
die plesiran dulu ke mall atawa nonton bioskop. Baru kire-kire jam sepuluh
malem die duduk beduan di rumah kosong ntu.
“
Liat noh Beh, si Puah lagi pacaran ame si Badrun di teras Engkong.”
“
Biarin mang kenape. Lagian empat bulan lagi juge die mao nikah.?”
“
Mang Babe gak takut?”
“
Takut ngapah? Bunting!”
“
Iye Beh ane mah slempang banget ngeliatnye.”
“
Insya Allah gak Juk, Babe yakin banget, ame hasil didikan Nyak lo. Babe percaye
dah. Lagian ngapah sih elu usil aje ame urusan si Puah? Makenye lu cepetan cari
pacar, biar bise ngarasin asoynye orang lagi pacaran.”
Ngak
lame kemudian Nyaknye Juki ke luar membawa sepiring martabak dan due gelas kopi
item.
“
Tuh martabak boleh di bawain si Badrun ye Nyak?”
“
Iye, kenape?”
“
Orang…. kalo lagi ade maunye…”
“
Hus! Lu kagak boleh ngomong begitu, wajar aje kalo calon mantu bawain calon
mertuenye.”
“
Iye, lu kage boleh su’udzon ame orang.” Babenye ikut bantuin si Nyak. Akhirnya mereka
bertiga terus ngobrol sembari nonton TV. Dari ruang tamu itu keliatan jelas
bayangan si Marpuah ame si Badrun lagi asik-asikan.
“
Ntar luh gue kerjain.” Kate Juki dalem ati.
Pas
jam sebelas malem, Nyak dan Babenye
masuk pangkeng, udeh ngantuk. Tapi Si Puah ame si Badrun masih aje
ade di teras rumeh Engkong. Juki lalu matiin lampu ame TV. Die pure-pure Mao
tidur. Padahal die keluar lewat pintu belakang, ambil jalan muter dan masuk ke rumah
kosong Engkong lewat pintu belakang juge.
Juki
masuk ke ruang tamu, pelan banget, die mulai nyalain dupe. Baunye mulai nyerebeng
ke mane-mane. Dari ruang tamu ntu die melihat due sosok tubuh manusia
lagi pade berangkulan membelakanginye. Die mulai pake kostum pocong nyang udeh
disiapin sedari sore. Die buke pintu depan, pelan banget biar Puah dan pacarnye
gak denger. Die ngedeketin sambil tangannye maju ke depan kaye zombie.
“
Huah…….” Juki bersuare buat nakutin Puah dan pacarnye, tapi kemudian die jatoh
pingsan, lantaran yang di liatnye bukan muke Marpuah dan si Badrun, tapi muke almarhum
Engkong dan Nyainye.
******
Tidak ada komentar:
Posting Komentar